唔識睇樓價 郭炳江Say Sorry
近期中小型住宅單位樓價瘋漲，年內樓價會否再升？新地（00016）主席兼董事總經理郭炳江雖然說對樓市有信心，但對樓價居然話「唔識睇」，又說：「第一次講對唔住，我唔識睇，如果你要睇不如搵專家嚟估計，我真係無辦法睇到。」對於日後會否與兄長郭炳湘成立的公司合作，他直言：「免得過就免。」
郭炳江將本港樓價升幅預測全集中在外圍因素，他說：「外圍因素真係好唔明朗，好難估計出年樓價會去到咩地步，中東又咁亂、咁多問題。」再次為回答不了樓價未來升幅問題致歉。集團未來會按市場的需要，多建中小型單位，新近入則的項目面積將介乎500至逾700方呎，集團強調不會發展超小型單位。
無意與郭炳湘合作
至於被問及郭氏長兄郭炳湘離開新地自立門戶後，新地日後會否跟他合作發展項目。郭炳江帶點唏噓說：「各有各做啫，市場咁大，尤其將來供應多咗。」當記者再追問是否連合作的空間也沒有？郭炳江補充一句：「免得過就免啦！」