丁紅玉報恩送扇畫
點解要揀丁紅玉嘅作品？話說丁紅玉係傷殘人士，其畫作能夠廣為中外認識，原來與七年前透過阿里旗下嘅淘寶網，於網上賣畫有直接關係。淘寶網不單止使丁紅玉嘅作品暢銷中外，佢亦因此與馬雲成為好友。就連阿里招股路演嘅介紹片段，丁紅玉亦成為主角之一。大摩以其扇畫作為馬雲嘅生日禮物，有心思之餘，亦成功凸顯咗阿里為小人物、小商戶打拼嘅形象。
阿里下周就會到香港路演，絲絲身邊嘅基金經理好友，近日已陸續接獲路演午宴嘅邀請。包括副主席蔡崇信、首席執行官陸兆禧及首席營運官張勇在內嘅五名阿里管理層都會出席，但主席馬雲會否親自到場暫時未知，而紐約路演曾出現嘅逼爆酒店場面，唔知會唔會喺香港重現？
余絲韻