不過佢就呻雖然Yen跌咗，但當地酒店就調高咗價錢，所以其實住宿費無平到。Derek仲查過，沖繩九月底廿度左右，希望可以落水玩。
業務靚仔放心叉電
Derek又講到，之前因為要Meet Target，金管局又不斷要銀行做壓測，邊敢行開去旅行。不過今年信用卡業務表現唔錯，八月份簽帳金額同商戶數目都比起舊年同期，有雙位數增長，睇嚟佢都飲得杯落，趁月底「半公半私」，去日本撐公司活動之餘，順便叉吓電囉。
講番今次信用卡嘅新優惠，卡主喺海外消費完，可以申請六個月免息分期，兼享有兩個月還款假期。Derek再三強調，服務真係免手續費！
余絲韻