絲絲講場：滬港通Talk騷場場爆

睇個勢，主辦機構好可能要加推至可滿足散戶需求。從呢個指標睇，滬港通熱潮實在銳不可當，股民個個諗住有大茶飯食！

十月加兩場火速額滿

港交所同投資者教育中心原定今個月廿二號喺港交所展覽館搞一場免費講座，點知反應好得咁交關，已迅速加多兩場，分別喺十月八日同廿五日，廿五號嗰場仲移師九龍塘生產力大樓，方便九龍區啲股民。結果，一樣係全院滿座。

港交所仲話會視乎反應，考慮係咪再加場，講座可以喺滬港通推出之前做，亦可以喺開咗之後繼續做。

大戶買賣A股需求勁

絲絲聽聞，其實港交所之前已同好多經紀行搞咗多場滬港通講座畀啲客參加，當中有「大牌子」經紀行，亦有中小型券商，反應都不俗。

依家市場普遍預期滬港通開波後，大戶北向交易（買賣A股）需求好勁，散戶就主要係「睇風」，睇吓可否搭順風車，執番一轉！

余絲韻