絲絲講場：陳其志復出入法興
早前離開滙豐輪枱嘅陳其志（Keith），最近終於證實有新動向，就係加盟法興，粉絲們相信好快又會見到Keith推輪嘅風采。
絲絲收到風，話Keith已經喺九月三號返新工，擔任法興證券上市產品銷售主管，繼續專注窩輪同埋牛熊證業務，過多一、兩個禮拜就可正式用新Title同大家見面。
李錦專注內地衍生品
離開滙豐後，Keith同絲絲提過，咁啱撞正兩個小朋友（1個3歲、1個5歲）放暑假，可以把握機會一家大細去旅行，培養親子感情。結果佢哋一家去咗兩個禮拜英國，羨煞旁人，睇嚟Keith已經叉足電，準備迎接新工嘅挑戰。
Keith加盟後，據悉法興證券環球股票產品部董事李錦（Edmond）將會做多啲同內地衍生產品相關嘅工作，以配合公司嘅發展，難怪Edmond近排頻頻返內地出差啦！
余絲韻