身為基金經理嘅Alex，連淋冰水都首先諗到風險同回報，佢尋日喺facebook話，「與其冒無謂風險，都係選擇乖乖捐錢。如果唔係，咁啱病咗，呢個禮拜無得喺期指結算嘅時候左穿右插就大劑喇」！。
「有錢出錢」捐1萬蚊
Alex今次好慷慨共捐咗1萬蚊，仲貼咗兩隻愛貓同捐款收據出來添，不過佢就唔再點名其他朋友去淋冰，只係呼籲大家，有心嘅就自行捐錢。
Alex仲講畀絲絲聽，係受到兩位朋友點名參加淋冰活動嘅，佢覺得呢個活動係近年其中一個最成功嘅Marketing例子，又認為fb真係好勁，作為fb股東就更好喇。仲有，佢話透過呢個活動要學習嘅地方係，點樣利用小槓桿得到最大嘅回報。
余絲韻