絲絲聽恒大嘅老友話，佢哋已經有個健康產業事業部，今次許家印帶住班集團高層去內蒙古考察現代農業、畜牧業，但係就無話恒大係唔係會進軍乳業。
不過報道入面嘅知情人士講，恒大之前已經成立專門小組喺內地其他地方考察奶源基地，睇嚟進軍乳業嘅可能性好大。據了解，內蒙古自治區黨委書記王君喺星期二就會見咗許家印一行人，就合作交換意見。
礦泉水電影瓣瓣掂
絲絲覺得係都唔奇，恒大搞其他產業已經見慣見熟，事實上，近年除咗發展地產之外、足球、電影、礦泉水呢幾樣業務都快速發展。
恒大喺今個月初舉行上半年工作會議嗰時就提到，要喺下年之前確保進入世界500強，而且仲第一次提出要多元化發展，唔知下次仲會有咩新搞作呢？
余絲韻