開網誌內部溝通
之前喺萬事達卡任高層嘅Kevin，經常要公幹，至三月底喺八達通履新後，就同太太喺香港定居。原來佢哋兩公婆都好鍾意打網球，Kevin仲講笑咁話佢哋已見識過香港唔少網球場添。
上任後首要工作？Kevin話要與同事好好溝通，亦因為咁，喺五月開始，Kevin新開咗個網誌，但只供約350名八達通同事「享用」。
八達通嘅個人對個人（P2P）轉帳交易服務，朋友之間食飯夾錢都可以一「嘟」搞掂，絲絲同好多好友都引頸以待，但Kevin就大賣關子，話收到邀請函就知幾時出街。佢仲話，出新服務絕對不容有失，時間早定遲唔係問題，最重要係服務質素。
余絲韻