絲絲講場：永隆新Token卡咁薄
絲絲用網上銀行理財，成日都帶住個保安編碼器（Token），緊要程度等於小金庫鎖匙，拎出嚟畀人見到，個設計梗要夠潮，尋日見到永隆助理經理鍾少權（Derek），佢話已經設計好第三代Token，薄到好似信用卡咁，永隆仲要係第一間銀行出。
網上銀行保安好重要，絲絲聽聞香港嘅銀行嚟緊會全面採用Token，即係未來幾乎個個客都要有，絲絲見到Derek拎住張新Token真係又潮又方便，佢仲話特登從男士角度諗過，可以放喺卡片套同銀包內面。
七月底全線換新制服
張新Token依家仲係內部測試當中，由佢哋同事做白老鼠「先行先試」，希望最快可以喺今年底公開推出。
除咗有新Token，Derek仲話永隆喺會展嘅兩部自動櫃員機換咗圓桶形新設計，會展分行亦變身電子螢幕外牆，七月底全線同事換埋新制服，新鮮事物真係陸續來。
余絲韻