期指觀瀾：好友睇實港匯變化

市況高位陷於膠着，昨日恒指一度試穿10日線23,388點，見過低位23,372點，成交縮減加上反映動力的技術指標有回落迹象，短期內恒指若再不嘗試挑戰23,583點及23,626點，筆者刻下最怕好友會久守必失。

昨日若非淡友臨收市前，踩多一腳將期指推穿23,378點，迫使即市好倉客投降，打靶盤將期指推到23,307點的話，即市期指波幅好可能與現貨相若，無187點咁多，亦因為臨收市急挫，七月期指日市收23,326點，較合理值23,387點足足低水61點，是近期比較罕見。

恒指波幅指數微升0.13至13.44，值得留意近兩日港匯變化，在下唔會用「轉弱」去形容，而執筆時港元在7.7516水平，僅與強方兌換保證相差16點子，但同上星期持續在7.75水平徘徊，稍為回順，是否有游資從港匯撤出，好友務必要睇到實，當然，由港元一個月期拆息昨日繼續回落，暫時也不用過分杞人憂天。

John Mullen