絲絲講場：港航攞獎全賴「以人為本」
已經八歲嘅香港航空，攞咗Skytrax頒發嘅年度「全球最傑出進步航空公司（The World's Best Improved Airline）」大獎，仲連續第三年蟬聯Skytrax四星航空公司評級。總裁張逵話，佢哋一直都秉承「以人為本」嘅服務理念，大獎嘅嘉許係對公司極高嘅肯定同鼓舞。
評選涵蓋41項表現
頒獎典禮已經喺倫敦舉行，香港航空副總裁孫劍鋒代表公司出席典禮。今年嘅調查涵蓋100多個國家共200多家國際同國內航空公司，有超過1,800萬受訪者參與調查，評選乘客對航空公司嘅登機手續體驗、機上座位舒適度、機艙整潔度、食物、飲品、機上娛樂系統、乘務員服務等41項產品同服務嘅主要表現。
孫劍鋒同絲絲講，舊年開始公司推出咗「以人為本」嘅六點服務精神，並貫徹到每一位前線員工中，喺發揮「熱情待客、多走一步、多樣選擇、履行承諾、難忘印象、積極主動」嘅服務精神下，令港航嘅服務更加人性化，取得顯著進步。
余絲韻