市傳阿里巴巴集團最快本月底喺美國開展首次公開發售計劃，一直喺「同股同權」問題上態度鮮明，堅決反對本港修例嘅董事學會主席黃天祐，剛於本周三董事學會嘅周年大會上任期屆滿退任，新主席一職由賴顯榮律師接替，未知新主席喺「同股同權」上立場係咪一如黃天祐般強硬？
黃天祐喺反對「同股不同權」架構上，堪稱走在最前線，多次發表立場，措詞強硬，近日就算金發局開到聲建議要就「同股不同權」諮詢，黃天祐仍然企硬冇轉軚，話唔同持份者喺事件上早已表態很清晰，都不同意「同股不同權」，更表示就算將來進行市場諮詢，「只是為諮詢而諮詢」，諮詢只是為爭議「畫上句號」。
但有市場人士就話，凡事冇絕對，冇人知道最後諮詢結果。況且，很多事情正不斷變化，真係唔到最後也不知大結局如何？
余絲韻