樓市缺貨怪象頻現
樓市雖處高危及樓價仍有下調壓力，但在嚴重缺盤下，樓市乍旺。除屢見癲價成交、排隊睇樓外，有上車客為求睇樓，願意三更半夜凌晨時段到牛頭角得寶花園中層戶睇樓，終以300萬元成功入市。另鰂魚涌康怡花園有三房戶以高市價近10%叫價放售，兼且每次收取100元「睇樓費」，但仍獲代理帶客睇樓。學者提醒，旺市只反映短期市況，未來樓價仍有下行風險。
一盤難求，令怪現象頻生。利嘉閣鮑允中稱，得寶花園G座中層7室，建築/實用面積約397/282方呎，上車客為求入市，不惜配合業主近凌晨十二時收工才睇樓，終以約300萬元購入單位，建築/實用呎價7,557/10,638元，略低於市場。另同屋苑A座中層戶，剛以每月約1.18萬元租出，實用呎租約44.7元，除貼近奧運站屋苑呎租外，呎租創同區新高。
新港城兩房破4百萬
代理指出，康怡花園有三房放盤，叫價約930萬元，高市價近10%，業主並要求代理每次睇樓，都要收費100元，但在缺盤下，單位仍獲準買家參觀。世紀21奇豐梁榮貴稱，馬鞍山海典灣6座中層單位開價460萬元，業主要求睇樓客先以開價水平簽訂臨約，以及帶同5%樓價臨訂支票，才願意開門睇樓。
樓價繼續破頂。梁榮貴續稱，馬鞍山新港城3期Q座中層1室兩房戶剛售403萬元，建築/實用呎價約8,092/10,775元，同期數兩房戶樓價首破400萬元。
映灣園三日追價28萬
美聯梁仲維稱，荃灣荃德花園A座高層H室售286萬元，實用呎價約9,346元，高市價12%。即使按揭較少、無樓睇的連租約放盤，亦成搶手貨，該行吳肇基稱，鰂魚涌太古城恒山閣低層G室連約售750.8萬元。
業主反價、封盤亦未有打擊買家入市雄心。東涌物業李順康稱，有買家原以570萬元購入東涌映灣園實用面積757方呎三房戶，簽約時業主爽約，買家即追價至590萬元洽購另一同類放盤，但再被業主反價至620萬元；該名買家終參觀另一個同類10座高層G室，睇樓時即落訂以約598萬元承接，實用呎價7,900元，約三日追價28萬元才能入市。映灣園本月暫錄24宗買賣，較五月全月多約1.2倍。
學者：全年樓價或跌
理工大學建築及房地產學系教授許智文指，受新盤銷情帶動，二手氣氛作短期彈升，但在加息等利淡因素影響下，全年樓價仍有機會下調。