絲絲講場：「鼠戰中環」今年最激
全城矚目慈善盛事「鼠戰中環」，定咗今年十月十九日舉行，係連續第九年舉行，置地公司行政總裁彭耀佳預告今年會增加難度，令賽事更有趣刺激，深信今年嘅「鼠戰中環」將是歷來最精彩、最盛大嘅賽事。」
呢項節奏緊湊嘅接力賽以職場生涯為主題，由八人組成嘅參賽隊伍以公事包作接力棒，沿途克服重重障礙，象徵喺企業青雲路上面對嘅不同挑戰。參賽健兒喺比賽過程中鬥智鬥力，為觀賽人士帶來精彩賽事之餘，亦藉此推廣平衡生活與工作嘅重要性。
鬥智鬥力 講求合作
今年賽事增加難度，將加入新障礙，考驗參賽者嘅體能和智力。例如，喺賽段三「渾身解『數』 獨具慧眼」，參賽者必須找出正確數字以完成一項「數獨」遊戲。對上班族嚟講，團隊精神和人脈關係甚為重要，故賽段四「沉着應對 畫出理想」嘅參賽者須與隊友合作，以一支巨型畫筆完成畫作。喺賽段六「深入險地 發掘潛能」，隊員必須拚盡全力通過一條隧道。
余絲韻