絲絲講場：金管推電子支票銀行(舌累)飯應

處理實物支票年花17億

佢就笑住咁話，平時金管局要Sell銀行新嘢，都可謂三催四請，傾幾轉都未必說服到銀行參與，但今次推電子支票平台一反常態，好多間銀行都主動話好有興趣，仲表明愈快愈好，反應前所未有咁熱烈。

無他嘅，銀行平日處理一張支票要用15蚊，銀行業全年處理支票都用成17億，而電子支票成本低，可以幫銀行慳番唔少錢，梗係大力捧場啦。

李樹培就拍晒心口話，所有銀行都會有電子收票服務，至於三十間現時已經有提供E-Banking服務嘅銀行，就會有齊收發支票嘅雙向服務，而且仲傾向唔會收費添！

港元人幣美元都有得開

明年我哋就可以開港元、美元或者人民幣嘅電子支票，李生仲話想同其他有電子支票平台嘅地區搞合作，做到跨境電子支票支付。

佢仲話遲吓會搵當地央行同監管機構傾，成事後想即時開票畀非本港銀行嘅用戶都無難度。

余絲韻