屯門區200萬元以下的居屋選擇不多，兆麟苑是其中之一交通較方便之選。
屋苑入伙21年，位處鄰近三聖邨兆興里，毗鄰輕鐵兆麟站，搭兩、三個輕鐵站到市中心及西鐵屯門站，外出Shopping或搭西鐵最便捷；加上落樓行兩步有巴士站直出九龍及港島市區，唔塞車「分分鐘」快過搭西鐵。
兆麟苑是區內大型居屋，採新十字型設計，廳房有間隔，加上不設窗台，內籠見使好用。屋苑另一亮點是自設優美的內園，水池、亭台樓閣及綠化帶環抱，居住環境不比私樓輸蝕。
祥益胡志偉表示，屋苑現時盤源不算多，2房戶約15個放盤，入門盤位於貼近輕鐵站的K座，為一個高層望內園景兩房戶，建築/實用面積515/401方呎，業主一個月前叫175萬元，近期減至170萬元放售，貼市價，較去年高位同類成交價回落近一成，屬區內最平兩房盤之一。