唔用手機 從不玩Apps
格羅斯喺最新一份市場展望報告裏面，自爆冇用手提電話，從來都唔玩Snapchat、Angrybird，仲好感慨咁話呢個年代虛擬世界重要過現實生活，睇親演唱會同球賽，身邊嘅人影相仲多過親眼睇，令債王覺得好無奈喎。
不過，格羅斯坦承有時都會因為追唔上科技而唔開心。絲絲就覺得債王冇咩值得沮喪呀。真正令佢頭痕嘅應該會係佢旗下PIMCO，總回報基金連續13個月錄得走資，資產仲按年縮水640億美元， 得番2,290億美元，冇部手機隨時跟進下市況可能真係有啲影響。
唔止債王，股神巴菲特一向都不屑用新科技電子產品，佢依家仲係用緊舊式電視機，個人電腦都冇部。
余絲韻