渡海濠情：減肥生意 大有可為
最近有衞生組織發表咗一個全球肥胖人士調查，發現有30%嘅人，出現肥胖同過重嘅問題，估計人數有21億人，而當中女性嘅數字更有上升趨勢，而嚟自大富豪桑拿嘅小夢就話：「減肥生意真係好易發達！」
令人羨慕
小夢話：「我啱啱出嚟做嘢嘅時候，因為發錢寒，同班姊妹成日圍埋睇吓做邊一行業一定會發達，當時大家都話賣兒童產品最發達，因為好多家庭都只生一個半個，當小朋友係寶，一定肯使錢，但只有一個姊妹話賣減肥產品最好，我哋當時仲笑佢，成班姊妹都窮到燶，有得食都好，仲諗減肥，後嚟我哋分開發展，我哋做小朋友生意，點知蝕到阿媽都唔認得，佢走去做減肥生意，一直做到現在，除咗開咗三間分店，仲有車有樓，令人羨慕！」
注重外表
真係咁好搵？小夢話：「當時我哋個個都冇嘢做，當然唔會反省自己嘅外表問題，但當你搵到工做，跟住做得咁上下日子，你就會想兩件事，分別係想升職或者想識番個男朋友，呢個時候你就會開始思考自己嘅外形問題，而減肥就會成為女士們急切實現嘅目標，呢個時候你為求達到目的使多多錢都願意，所以減肥生意大有可為，好似我家陣班同事，個個都減肥，又食健康產品又去做療程，單係吸納晒佢哋都夠和味，所以呢行真係大有可為！」
小夢Profile
年齡：21歲
三圍：34-24-35
撰文：小德
攝影：阿昌