當年港掛牌揀「1688」
阿里嘅發言人拒絕回應八卦傳聞，但有人話馬雲同蔡崇信都好迷信，相信八月八號有兩個「發」，係上市嘅吉日。不過，萬一到時市況不利，阿里亦都有機會將上市時間延至九月，證明佢哋對自己好有信心。其實阿里獨愛8字有迹可尋，當年佢喺香港上市，股份代號就係1688。
會見許家印或「講波」
迷信嘅又點止馬雲，早過阿里去美國上市嘅京東商城，據聞申請過程中，涉及嘅多個重要步驟，都係揀過時辰。
講開馬雲，今日佢同恒大（03333）董事長許家印，會喺廣州搞記者會，內地媒體爆料，話兩人會合作搞足球，恒大旗下有恒大足球會，馬雲染指咗綠城足球會，莫非兩個球會有合作？
余詩韻