今次已經係庫克第二次以拍賣「私人午餐時間」籌款，實情係冇嘢食，齋飲咖啡，但可攜眷出席，二百幾萬一杯咖啡，值唔值？見仁見智喇。
籌款捐助人權中心
上年嘅拍賣價就係47.58萬港元，今年好威，拍賣價高達19.6萬英鎊，即係成255.39萬港元，遠高過估計，令人跌晒眼鏡，而呢筆錢最後就會捐到甘迺迪司法與人權中心。
名人拍賣午餐時間嚟籌款已經唔係新鮮事，股神巴菲特14年前第一次拍賣佢嘅午餐時間，跟住好多名人效法，連美國聯儲局前主席伯南克，美國前財政部部長蓋特納都玩埋一份，庫克拍賣價仲高過兩位官方首長。
余絲韻