威爾金森活躍政商界
本身係共和黨人嘅威爾金森九十年代起活躍美國政壇，仕途喺前總統小布殊在位期間攀上高峰，見證唔少世界大事，伊拉克戰爭嗰時擔任前中央司令部司令弗蘭克斯嘅發言人，其後轉任前國務卿賴斯嘅高級外交顧問，而金融海嘯期間就做時任財長保爾森嘅幕僚長，事迹仲被搬上銀幕。
阿里上市工作如火如荼，同監管機構、投資者、媒體打交道自然成為家常便飯，唔搵個有咁上下牙力、長袖善舞嘅人才邊掂。
除咗威爾金森，阿里亦請咗陳嘉寶出任阿里事務副總裁，佢將負責阿里喺香港及海外華人市場嘅公關工作，向阿里集團首席市場官王帥直接彙報。陳嘉寶之前係偉達公關香港董事總經理。
余絲韻