「Ole！Ole！」熱辣辣的巴西世界盃仲有一個月就開波啦，到時有機會睇到葡萄牙隊C朗同埋巴西隊尼馬等一班球星落場，佢地球技了得又靚仔，孖妹彩兒同Kitty齋諗都興奮呀！ 雖然股市有「世界盃魔咒」之說，但當中都有啲股份可以受惠世界盃，不如玩玩下面呢個「龍門九宮格」熱吓身，睇吓自己攞到幾多分！足球狂熱Fans準備好未呢？
玩法：龍門九宮格代表住九個世界盃概念板塊同股市，每格都有一條選擇題，答啱一條攞一分，最高九分。
睇波梗係要着住件波衫，潮撐愛隊至過癮啦，以下邊間公司係專門做OEM（代工生產）波衫？
A.魏橋紡織（02698）
B.天虹紡織（02678）
C.永嘉集團（03322）
D.錦藝紡織（00565）
問十個男人乜嘢係睇波必備，睇怕十個都會答你啤酒同花生，香港上市的青島啤酒（00168），除咗賣「青島啤酒」品牌，仲有賣咩啤酒牌子？
A.雪花啤酒
B.藍帶啤酒
C.百威啤酒
D.嶗山啤酒
睇波求靚芒，孖妹就梗係最想睇清楚靚仔球星嘅一舉一動，邊間家電公司搶先推出4K電視（解像度比全高清高4倍）？
A.創維數碼（00751）
B.海信科龍（00921）
C.海爾電器（01169）
D.國美電器（00493）
對上一屆南非世界盃，內地人都睇得勁投入，你知唔知喺當年世界盃舉行期間，內地各類足球競猜彩票嘅銷售總額約有幾多元人民幣？
A.30億元
B.22億元
C.18億元
D.10億元
除咗睇電視直播，依家仲可以合法上網睇波，以下邊間公司獲央視授予內地互聯網播放權？
B.優酷土豆（美股編號：YOKU）
C.百度（美股編號：BIDU）
D.騰訊控股（00700）
孖妹一向無零食不歡，捱眼瞓睇波點可以唔食零食，有一間賣零食嘅公司一一年喺新交所退市，後來轉投港交所（00388），係下面邊一間？
A.蠟筆小新食品（01262）
B.康師傅控股（00322）
C.中國旺旺（00151）
D.CEC國際（00759）
世界盃嘅商機無限，贊助球隊可以令到產品嘅出鏡率大增，令知名度勁升呢，國際品牌Adidas同Nike今屆分別贊助幾多隊球隊？
A.8；10
B.10；8
C.12；10
D.10；12
巴西共有十二個大型場館舉辦世界盃賽事，邊一間內地電訊公司可以為其中八個場館提供無線網絡系統產品及解決方案？
A.中國電信（00728）
B. 中國移動（00941）
C. 京信通信（02342）
D. 中國聯通（00762）
9 巴西股市今年點？
搞世界盃除咗有機會帶動主辦國經濟，股市都可能受惠，巴西聖保羅指數年內升咗幾多？
A. 5%
B. 4%
C. 3%
D. 2%
答案：1.C 2.D 3.A 4.B 5.D 6.A 7.A 8.C 9.C
Kitty：「女人鍾意買衫，男人鍾意睇波」似乎係永恒定律，你地捧邊隊國家隊呀？
崔：我不嬲都係標準球迷，最鍾意睇英超，捧開英格蘭，今屆世界盃有時間一定會睇，上屆我喺商場入面睇，人多氣氛超好，亦試過喺食肆同班Friend邊食邊睇，成班朋友聚埋一齊講波經真係好爽，今屆我會捧德國，佢地整體表現都唔錯。
張：平時我對睇波嘅興趣不大，不過一去到世界盃呢啲全城投入嘅日子，我都一定會睇埋一份，尤其喺四強賽事，一定會落酒吧同其他球迷狂歡。今屆我最睇好巴西同阿根廷等南美球隊，巴西唔使講啦，佢有晒主場之利，南美球隊一樣非常容易適應巴西嘅氣溫，歐洲隊就唔係咁睇好啦！
彩兒：睇波之餘我哋都要顧住個市，照你哋睇有冇咩股份當炒？
張：世界盃升溫肯定多咗人買波衫，永嘉（03322）就最能夠受惠，因為呢間公司為Adidas、Reebok等國際運動品牌生產波衫，舊年下半年訂單顯著增加，純利比舊年上半年大增，相信佢今年上半年嘅業績都會唔錯。另外，好多球迷都鍾意賭波，一啲內地彩票股應該仲有得炒，好似御泰中彩控股（00555）咁。
崔：我覺得彩票股早輪已經炒過一轉，依家未必有力再上，世界盃期間股市多數都靜，都係增持番cash好過。
彩兒 Kitty
若有料報畀彩兒同Kitty或有嘢問，
可電郵money.biz@on.cc