數碼影片市場睇嚟好戲連場！亞馬遜、Netflix、谷歌、Hulu同微軟，先後加入戰場，希望挑戰HBO、AMC同電視網絡等傳統內容製造商，以便吸引更多用戶，尋日雅虎宣布自家製電視劇，仲唔係充滿火藥的戰場！
雅虎CEO邁耶宣布，將推出兩部自製電視劇，通過自己公司旗下嘅網站同應用程式（Apps）獨家播放。邁耶仲話會同美國最大嘅音樂會推廣商Live Nation展開合作，喺今後一年時間內每日都通過雅虎直播一場音樂會。
其實雅虎曾經都認真發展過影片業務，但最後因為結果令人失望而退出。邁耶同佢嘅左右手，今次準備再注資有關業務，計劃拍攝兩部喜劇，每部8集，投資額將以百萬美金計。
雅虎即將推出嘅兩個劇集，其中一部名為《Other Space》，內容講到一艘太空飛船誤入另一宇宙冒險嘅故事。另外一部叫做《Si City Saints》，講述一位硅谷億萬富豪旗下嘅職業籃球隊故事。聽聞呢兩部劇將會係雅虎新投資項目嘅開始，其他劇陸續有嚟添。
不過，電視劇領域嘅成功真係難以掌握，通常會花費幾千萬美元嘅資金，但係結果就好難講，所以雅虎今次真係幾大勇氣o架。
余絲韻