韓國產品銷售勁
交銀國際出咗份莎莎報告，就以「金秀賢效應」為主題，落力唱好莎莎嘅前景。不過，似乎作用不大，莎莎股價尋日跌咗超過5個巴仙。
份報告列舉咗四個撐莎莎嘅理由，其中一個就係星星金秀賢效應，除咗佢代言嗰隻「Beyond」品牌好賣之外，仲話整體上莎莎嘅韓國產品喺呢幾個月嘅銷售都好勁。除此之外，交銀又話，估計莎莎今個月嘅銷售唔錯，跑贏同行咁話，加上內地業務嘅最差時間已過去等等，所以佢哋就好「Buy」莎莎喇！
講開又講，星星股仲有隻新秀麗（01910），金秀賢代言其中一個系列，有啲產品喺韓國一度賣斷貨，絲絲聽講嚟緊八月新秀麗會請金秀賢來香港出席活動，唔知到時仲會唔會咁大星星效應呢？
余絲韻