上車客無樓睇照擸

沙田第一城本月暫錄約30宗買賣成交，單在過去三日已連錄約10宗，佔近50%為未睇樓入市個案。

世紀21奇豐周淑萍稱，屋苑買賣盤源減少，加上市場憧憬政府會撤銷部分辣招，用家恐屆時樓價再升，加快入市，昨日屋苑44座中低層兩房戶，現時仍連租約，無樓睇下，減價5萬元，即以約315萬元交吉形式轉手，建築/實用呎價約7,975/11,092元。

沙田第一城本月錄約30宗買賣。

二手屋苑交投爆發

美聯黃錦瀚稱，沙田第一城上月錄約55宗買賣，由於市場上樓價約300萬元單位選擇不多，因而令該屋苑交投加快，其中51座中高層F室，亦在無樓睇情況下，以約326萬元售出；事實上，即使無樓睇，但成交價維持在300萬元以上水平。

太古城低見600萬

中原張光耀稱，太古城過去兩日連錄約4宗買賣，全屬減價成交，鄱陽閣低層單位，減價約20萬元，連約售600萬元，創今年新低，建築/實用呎價8,850/10,292元，屬過去一年低位。另屋苑怡山閣連天台單位，減價42萬元後，以838萬元沽出。

上車屋苑購買力持續，祥益地產謝利官表示，天水圍嘉湖山莊過去三日錄約7宗買賣，包括樂湖居2座低層單位，連租約售253.8萬元。

利嘉閣鮑允中稱，牛頭角淘大花園本月錄10宗買賣，J座中層7室，現有租客居住，仍以374萬元轉手，建築/實用呎價約7,727/9,920元。據了解，上址在開放參觀時，同獲7組客睇樓。

銀湖建呎跌穿七千

中原稱，葵涌新葵芳花園三日錄5宗買賣，多屬數客爭一盤，其中C座低層4室，買家因早前被搶盤，即睇即以363萬元入市，屋苑本月錄6宗買賣，較上月全月多出2宗。

樓價回落，世紀21奇豐稱，烏溪沙銀湖‧天峰6座中層D室售838萬元，建築/實用呎價約6,966/9,119元，建築呎價低於七千元，創今年新低。資料顯示，西南九龍瓏璽8座中層戶售約1,400萬元，逾兩年半貶值約134萬元，不排除屬內部轉讓。

利嘉閣指出，過去一周50個指標屋苑錄約163宗買賣，按周增約22%。