期指觀瀾：大成交破位先睇23423

昨日提過，周三港股沽空佔大市成交比例，突然大幅減少近兩個百分點去到8.7%，淡友在大市未破雙頂，可升可跌下居然選擇鳴金收兵，果然是春江水暖鴨先知。

港股昨日以過千億元成交破22,986點上落通道頂，符合昨日破位追買的計劃，主板成交1,069億元，足足比前日多五成，升勢有足夠理據支持，非無的放矢。

即使期指日市亦由過去幾日貼水，轉炒89點高水收23,275點，是四月期指日市交易時段高水幅度最多，在在反映基金經理唔少未能因應消息在現貨市場買到足夠股份，選擇以期指長倉作套戥。

大市破了W形的頸線22,986點，今次直通車會唔會如○七年狂升萬點？筆者唔係先知，踏實點，破22,986點計，21,137點低位起步，1.236及1.382的目標分別位於23,423點及23,693點，先摸住石頭過河，以此目標分段食胡。

John Mullen