馬駿令外界最深刻嘅印象，係佢一向唱好中國經濟，雖然德銀上個月都下調咗對今年中國GDP嘅增長預測，但係7.8%嘅預測值仍然高過好多外資大行。
着眼宏觀 少理波動
佢同時都係人民幣國際化嘅積極倡導者，早兩年參與撰寫《人民幣走出國門之路》，建議香港發揮離岸人民幣市場嘅「批發」功能，成為離岸人民幣嘅流動聚集地、融資中心、定價中心同財富管理中心。
馬駿喺告別信入面話，將會喺新崗位上盡全力工作，以後會少啲關注市場嘅短期波動情況，更加着重對中國宏觀經濟同金融改革有影響嘅中長期事件。喺任職德銀前，馬駿都曾經喺世界銀行同國際貨幣基金組織（IMF）做過高級經濟學家，擁有國際性機構嘅經驗。
余絲韻