恒生銀行（00011）執行董事兼零售銀行及財富管理業務主管陳力生（Nixon），多咗個新職銜之後，第一次出來見人，十分風騷。佢好認真咁話，自己個Title雖然有Wealth Management（財富管理）呢個字，實際上可以改成Head of Health Management，因為同事都笑佢係打理客人嘅健康，幫客人精選醫療保險，睇Wealth得來又睇Health。
Nixon話，希望客人又長壽又有錢使，聽落佢個新職位真係好有意義。除咗Nixon擴大職能外，恒生出售嘅保險都再多一瓣，一路做開壽險，依家加多個醫保，等客戶多個選擇。
恒生同保柏簽咗個獨家分銷協議，獨家新產品將會喺第三季出爐。雙方十分爽快，合作好快傾掂，一個理財專家，一個醫保專家，相信好快做到好成績。自願性醫保都討論咗一排，唔知成事可唔可以令未雨綢繆嘅恒生開拓更多客戶呢？
余絲韻