絲絲講場：「小米賣車」玩謝愚人
小米賣手機都唔夠，仲要賣汽車？！有傳言話小米手機創始人兼董事長雷軍同某知名車企（傳聞係指特斯拉）秘密研製小米純電動汽車，預計最快一五年即可實現量產喎，真係嚇咗絲絲一跳。
哈哈，如果你信咗以上消息，恭喜晒，愚人節快樂！話說四月一日有人喺網上發布假「新聞」話小米要出產汽車，消息一出就立即引起業界嘩然，唔少人仲信以為真添。
夥特斯拉兼拍比亞迪？
呢篇假新聞寫到似層層，聲稱有採訪一位參與小米汽車研發嘅人員唐先生，又提到「如今他（雷軍）要將『為發燒而生』的這一理念帶入汽車行業，仲將雷軍個樣Key咗落蘋果教主喬布斯個身度，仲加咗句「1969－－」，十分抵死。
為咗說服讀者，假新聞仲提到特斯拉汽車同小米手機之間有唔少嘅共同點，話佢哋都係科技潮流嘅代表，為狂熱而生，兩者都採用「飢餓營銷」嘅搶購方式銷售。
篇新聞仲話量產車型最終將會喺國內由比亞迪生產（傳聞最大漏洞），到時價格將會大大降低，真正成為全民搶購嘅汽車。
余絲韻