五十一歲嘅吳建斌，八四年加入中國建築工程總公司，○一年任中國海外集團董事兼財務總監，○二年任中國海外發展（00688）執行董事兼財務總監，○九年調任副主席兼非執行董事。加入碧桂園前，吳建斌係中國海外集團常務董事及副總經理同埋中海投資發展集團董事長。
市場受落 股價升8%
吳建斌有權收取基本年薪500萬元人民幣同埋享有其他附加福利，亦有權按董事會嘅絕對酌情權所訂嘅數額，獲得年終管理花紅。據碧桂園披露，吳建斌同埋聯繫人擁有碧桂園300萬股，佔已發行股本約0.01%，以尋日收價計，市值超過一千一百萬元。碧桂園股價尋日升咗8%，睇嚟市場對呢個消息幾受落。
余絲韻