聯想董事長柳傳志近年好敢言，舊年一句「企業家不應談政治」就引發唔少議論，最近又喺清華大學論壇上，舉埋例子點解要避開政治，佢嘅宗旨就係「努力不惹事，我們自己很軟弱，確實如此。」
柳傳志話，佢早年搞企業，花咗好多精力應付環境，就係為咗畀企業能夠安全運行。佢舉例話，八八年嘅時候，喺香港起咗一個小作坊，後來香港樓價同人工飆升，惟有搬返去深圳，生產完再拎返香港賣。
佢憶述：「由於深圳的同事得罪了海關的人，公司被不合適懲罰。少不更事的我們就到海關總署去告狀，告狀的結果就是，海關總署到深圳了解，最後沒有給我們處罰。」
呢啲只係表象，幾天後，佢哋從香港運入大批貨，那時關口少，所以每天早上貨車排隊過關能排到兩公里長。
「海關的人一見部車是聯想，就將部車叫出來，檢查一番，但檢查完了，讓車從頭回去排隊。來來回回幾次，連續幾次我們知道了，這地方待不下去。從此我懂得了，原來不能告狀。真的告狀了以後就不能安全運行。」
余絲韻