如果係咁，美元短線都係繼續上落市，真正爆升都係要等年尾收水計劃到尾聲，一眾外幣現時都仲有機會反彈。
不過，貨幣始終係一個「相對」概念，美國日本央行政策分野咁大，基本因素繼續有利美元不利日圓。
周五日本就公布二月消費者物價指數、失業率同零售銷售等，大家一直話日本四月推銷售稅，大家會喺加稅前加大消費，事實上係咪咁？如果數據唔好都預期日央行有更大壓力要進一步推QE。
美元兌日圓支持位已上移至101.20同101.90，只要守住101.20，將挑戰103.70甚至今年高位105.40。
GMO CLICK環球通副總裁 陳健豪