為旗下汽車「秦」造勢
王傳福最近接受內地傳媒訪問，幫自己嘅「Baby」造勢，佢話旗下雙模混合動力汽車「秦」將會喺三月進駐上海市場，當地消費者可獲得地方及國家合共6.5萬元人民幣補貼，同時可免費獲得上海車牌。對於電動車製造業Tesla，王傳福形容佢哋嘅電動車造型獨特，加上價格昂貴，屬小眾市場，係富人玩具，同比亞迪大眾化定位唔一樣。比亞迪尋日股價升1.19%，係咪王傳福功勞呢？
Tesla股價靚仔，另一原因係傳聞佢哋同蘋果公司有合作，市場傳出Tesla舵手同蘋果公司併購部門高層會面，不過，外界認為蘋果收購Tesla機會唔大，但期待兩者合作研發智能汽車iCar。