今日係二月十四日，難得仲係農曆正月十五中國元宵佳節，既然中西方情人節撞埋一齊，有情人可以一次過慶祝兩個情人節，十分難得。
有見及此，中國南方航空（01055）嘅貴州公司配餐部，就特別準備咗各種口味嘅湯圓以及「驢打滾」等元宵節食品應吓節，畀一眾乘客體驗一下空中元宵佳節。
據絲絲了解，今年春節期間，其實該航空公司亦曾開創新猷，特別為乘客配置富有過年口味同地域特色嘅飛機餐，包括水餃、蛋夾、黃粑、小米渣、炒年糕等食物。所以話，內地航空公司近年除了鬥平機票外，在花心思上亦有很大改進，值得一讚。