今年依然係顛覆嘅一年，互聯網同埋手機嘅使用，繼續反轉生活模式，就連喺房地產界，比較前衞嘅萬科，都話要研究下小米嘅營銷策略，係咪可以用喺房地產上，吓，咁樓價咪……。
小米創始人雷軍真係有向萬科總裁郁亮提過「房價可唔可以跌一半？」
郁亮係舊年底嘅一次內部演講話，擔心未來房地產行業會出現類似小米嘅攪局者，以互聯網思維模式打破舊秩序，威脅甚至取代以萬科為代表嘅行業模式。小米之所以紅得咁快，係因為佢嘅定價原則平入平出，唔賺原材料、零部件等硬件嘅錢，而用吸引力嘅售價快速佔領消費者，喺軟件同互聯網應用開展增值服務。同樣的性能以前要賣好貴，現在就好平。
如果好似小米咁，用互聯網思維模式打破舊秩序，話唔定都可以殺出一條新血路。連郁亮都覺得佢嘅行業需要改變，仲話與其畀人革命，不如革自己嘅命，至少可以選擇死嘅方式會好睇D喎。到時樓價平，地產商又可以省靚招牌，一家便宜兩家着，諗落真係唔錯，不過只怕到時又會成日出現「暫時缺貨」嘅情況。
余絲韻