絲絲講場：馬雲Sell書法過年通街派
阿里巴巴集團主席馬雲不嬲都好有性格，創作能力又高，唔到你唔服，好似佢自創嘅「馬體」，已經應用到佢哋公司出品嘅利是封，睇落都幾Cuteo架。
馬雲第一幅嘅「馬體」作品，上個月以242萬元人民幣嘅高價成交，聽講當中有63次加價延時添，睇嚟都幾受歡迎喎！
阿里利是封露一手
絲絲啱啱收到阿里巴巴印製嘅馬年利是封，封面有個圓嘟嘟嘅福字，原來又係出自馬雲自創嘅「馬體」。之前馬雲話「馬體」最大嘅特色係停留喺六、七歲嘅水準，睇番個利是封，又真係充滿童真嘅！
馬雲有咁多自創獨家嘅諗頭，咁鍾意建立自己嘅一套，唔知第時會唔會出一系列馬體製品開拓新市場呢？話唔定好好銷路喎！
余絲韻