絲絲講場：「樓神」讚東網快夾準
長實（00001）執行董事，外號「樓神」嘅趙國雄一向走在市場尖端，緊貼第一手資訊，依家佢哋推緊新盤DIVA，絲絲去到現場搵樓神攞料，見佢攞住部機係咁掃，原來睇緊「on.cc東網」，佢一邊睇，仲一邊話好快好準添。
樓神話自己係「on.cc東網」忠實擁躉，尋日主持旗下北角DIVA抽籤開售儀式後，拿拿淋翻看「on.cc東網」現場直擊報道，大讚「on.cc東網」資料又快又準，速度之快拍得住佢嘅頭腦。
資訊豐富 巨細無遺
咁又係呀，「on.cc東網」新聞包羅萬有，又有相，又有片睇。就以財經為例，唔單只股票資訊多，宏觀分析夠晒深度，仲有世界各地嘅最新財經資訊，一句講晒，又多又快又準。
同地產相關嘅新聞，亦點會少吖，呢排唔少發展商都有新盤推，現場嘅墟冚情況，「on.cc東網」巨細無遺報道，睇住部手機，就好似去到現場一樣，又多現場相配合，你話點捨得放低部機呢？
余絲韻