絲絲講場：積金局開台加強教育

取消對沖機制仲要傾

今次積金局落街派利是封，又拍短片放上網，無非係想加強大眾對強積金嘅認知，鄭恩賜話，今次短片內容環繞預設基金、未知價、周年權益報表等。唔好睇小呢啲宣傳，好似半自由行咁，推出咗成年，仲有好多人唔清唔楚，尋日就有位女士問在場嘅積金局同事，自僱人士可以點樣轉會？

其實，自僱人士同一般打工仔唔同，因為佢哋想揀咩積金計劃都得，即係話，唔使等強積金半自由行都可以轉會囉！講到全自由行幾時有，鄭恩賜就話希望喺明年底遞交建議書畀政府喎！

呢排有消息話政府可能會分階段取消對沖機制，換言之，僱主唔可以再用強積金供款支付長期服務金，鄭恩賜話，取消對沖機制牽涉好多僱主、僱員，需要多啲討論，好難估計幾時可以落實！

佢仲話，即使唔能夠取消對沖機制，積金局都有辦法令強積金全自由行繼續推進。