孖妹S檔案：重溫2013大事 財來「字」有方

彩兒： Happy New Year！明日就係除夕，會怎樣慶祝去度過具持別意義的1314（一生一世）？有甚麼新年願望？

　蘇： 哈，我最怕人逼人，肯定唔會到尖沙咀、銅鑼灣倒數。明日半日市早放工，應該會做吓運動，夜晚就同老婆撐枱腳，然後落海濱公園行吓啩！

全中 李：新鴻基金融高級證券 分析師 李惠嫻

答中十四條 蘇：招銀國際策略師 蘇沛豐

　李： 聽晚我同朋友BBQ呀，其實我最希望明年可以Pass咗CFA個考試，咁年尾就可以安心結婚！

填字遊戲

遊戲答案：

高妹： 嘩，恭喜呀，放心啦，你對市況咁熟悉，輕輕鬆鬆就答中全部問題，考試實難你唔到！但講開港股，年內僅升2.58%，我哋埋單計數冇乜點賺！

　李： 港股在上半年表現不濟，但下半年、尤其在三中全會後已急彈追落後。港股不乏利好因素，如內地推財政改革，致力解決地方債問題，企業盈利可獲改善，況且估值便宜，大有上升空間，所以我對後市樂觀，暫時估計明年恒指可升至26,000點。

美國退市港股未必驚

彩兒： 不過美國開始退市，我哋有啲擔心！

　蘇： 美國講收水並非一時三刻，市場由初時虛驚一場，到現時有齊心理準備，大部分消息已被消化。聯儲局啟動退市計劃，料步伐溫和，對港股衝擊將有限，何況美國已明言維持低息環境，暫未對本港銀行股及地產股構成沽壓。

高妹： 中資股走勢向來反覆，但近日獲不少大行唱好，係咪有得諗諗？

　蘇： 明年國指料可升至12,600點。近年都係炒股唔炒市，當中內險股、內地券商股可看高一線，暫有不少政策支持。另環保股及新能源股續有升勢，尤其近日內地污染問題嚴重，故在行業發展及盈利潛力均有上升空間，惟要小心選擇，如太陽能股依然存有產能過剩及政策風險，相較之下，風電股會略勝一籌。

　李： 中資股有幾個主題值得留意，包括環保新能源、民生保障、城鎮化及金融改革創新，相關股份均可受惠，而我亦特別看好環保新能源股及醫藥股，將可跑出。

彩兒： 今年騰訊（00700）、金山軟件（03888）大幅跑贏，可惜我哋冇入貨，只能呻「走寶」！

　蘇： 市場擔心中國經濟放緩，資金自年中起流入科網股，因沒有周期性，反有避險作用。惟隨着內地經濟回穩，部分資金有機會轉投航運、工業等周期性股份，所以我對科網股的取態較審慎，雖不會大跌，但畢竟升咗好多，好難再升七、八成。

　李： 明年科網股仲有得升，但是，因行業競爭愈來愈大，若果只是單靠網上遊戲業務，經營風險會大增，最好同時發展軟件，騰訊及金山軟件的潛力依然較佳。

半新股可炒環保醫藥

高妹： 我哋見多隻新股熱炒便加入搶購，總算在年尾賺返少少攞尾彩！

　李： 講到新股，中國信達（01359）應未升完，可考慮追入，因其業務獨特，不存有同業競爭，若內銀不良貨款回升，反為中國信達提供吸金機會，故上市首日已有資金追捧，未來更大有機會納入國指或恒指。

　蘇： 散戶亦可留意主營節能環保業務的海螺創業（00586），因有多年水泥餘熱發電經驗，亦可受惠內地環保概念，故上市即被炒高。但論值博率，則可考慮東北三省藥品銷售龍頭金天醫藥（02211），將受惠內地醫改，可高速增長，但股民要有耐性候低吸納。

高妹 彩兒

若有料報畀高妹同彩兒或有嘢問，

可電郵money.biz@opg.com.hk