內地大媽來港掃奶粉，帶旺全球奶類股賺到盆滿缽滿，內地主權基金中投都唔輸蝕，絲絲尋日收到風，佢支持一家中資企業，參與一宗澳洲奶製品公司嘅股權爭購戰，唔知係咪諗住為人民服務，紓緩一下內地奶粉荒呢？
據澳洲傳媒話，被爭購股權嘅澳洲企業Warrnambool Cheese and Butter（WCB）係125年百年老店，中方希望取得約18.7%股權，每股出到10蚊澳紙，涉資約1億澳紙。
另外參與競投嘅兩家對手為加拿大乳業龍頭Saputo同埋澳洲著名奶粉供應商Murray Goulburn，兩家都係WCB股東，Saputo出9.6蚊增持，Murray Goulburn則出到9.5蚊，由於叫價競爭激烈，搞到競價截止日期由十二月二十日延至明年一月十日。
余絲韻