《福布斯》雜誌話明年IT穿戴產品將會好旺，其實三星同Sony喺今年已率先推出智能手錶後，前幾日內地手機設備商TCL亦趕時髦，推出可穿戴Boom Band健康智能手環，賣1,999元人仔，希望趕及農曆新年推售，似乎要喺全球穿戴市場分一杯羹。
叫得Boom Band健康手環就梗係有原因啦！佢除咗有來電、短訊提醒、鬧鐘等常規功能之外，最大特色就係可以自動切換運動或睡眠模式、智能計步、準確識別行走動作、計算每日步數、行走里數、消耗卡路里，仲可以喺瞓覺時監測睡眠質量，成個貼身教練咁款！
唔單止係咁，Boom Band仲追上潮流，具備數據傳輸同社交共享既貼心功能，仲可以利用佢嘅「近場防掉功能」，將手環同手機配對，如果兩者超過10米就會提醒，咁就唔怕唔見啦！
余絲韻