絲絲講場：淘寶Fund析男女有別

咁啱絲絲睇咗份今年份淘寶基金網上理財報告，話男性用戶最鍾意買值博率高嘅股票型基金，女性用戶就最鍾意買回報穩定嘅貨幣型基金。

男贏宗數 女勝闊綽

不過，保守還保守，報告話女性一睇啱就會重錘出擊，捉住唔放依然係女性特色！雖然男性用戶無論人數同網上理財宗數都超過女性，但計上人均單宗理財金額，女性出手就闊綽得多喇，平均每宗交易都高過391元o架！

唔單止男女嘅消費模式唔同，原來唔同嘅星座、地區等因素都會影響理財模式架喎！

份報告仲話，天秤座同天蠍座係12星座入面最鍾意喺淘寶基金平台上理財，白羊座最保守。

至於以地域計，廣東、上海、浙江、江蘇就最興理財，而北京、上海、廣州用戶理財金額仲係最多添！

農民留鄉發展網店

另外，據聞依家全國有20個淘寶村，1.5萬間淘寶網店，創造6萬人直接就業，搞到依家愈嚟愈多農民發展網上生意。

其實入淘寶開店都幾好呀，以後唔使離鄉別井入城市打工，而且愈嚟愈多人貪方便上網買嘢，實唔怕冇生意做喎！

余絲韻