行兩步歎盡美食
碧堤半島設有大型會所，佔地38萬方呎，以度假酒店為設計概念，設施多不勝數，足不出戶盡享悠閒時光。另屋苑鄰近深井市中心，住戶落街行兩步就可歎盡多國美食。
利嘉閣姚頌溏表示，碧堤半島是深井指標屋苑，放盤價向來硬淨，惟隨着二手市況淡靜，部分業主腳軟減價，連最臨近海邊的3期1座單位亦有價講，如中低層A室三房戶，建築/實用面積1,267/967方呎。由於主人房外連露台，盡覽「三橋」海景，是屋苑罕有戶型，以往同類放盤大多「吊高來賣」，但業主趁租客搬走減價沽貨，十月叫1,200萬元，本月初減至1,050萬元求售，較今年高位落價4%，是同類放盤最平選擇。