絲絲講場：永隆制服換Young Look

一改形象 Pro得嚟高貴

永隆啲制服一向以老實既黑色為主，今次新設計加入紅色點綴，女裝仲要係連身小圓裙，又Young又Sweet。不過最得絲絲歡心嘅係私人財富管理大使嘅新制服，紅黑撞色夠專業，最緊要係件紅色西裝長外套，有少少貴婦Feel，同啲大客更易傾得埋。

旋轉木馬門夠新潮

據講永隆今次新制服由一班設計學院學生設計，一方面畀啲機會年輕人，同時啲作品又跳脫有活力，配合永隆創新形象。

不過，要欣賞佢哋嘅新制服，仲要再等多一排，但各位唔使失望住，如果去開中環或者旺角，不妨入去永隆銀行走一趟，包保你有驚喜。

首先大門嘅自動玻璃門貼滿旋轉木馬，客人出入嘅時候，幾層玻璃門睇落好似一個開動中嘅旋轉木馬，又有心思，又唔使用額外電源，夠晒環保。

細心啲睇仲會發現幾匹中式馬仔夾雜咗幾隻聖誕鹿，等你一口氣感受晒聖誕同農曆新年嘅節日氣氛，絕對唔係一般貨色，嘅有誠意、又夠新意。

余詩韻