絲絲相信唔少女士都希望另一半高大威猛，不過國際商品大王羅傑斯早前就話，身高對男人嚟講，從來都唔係一件重要嘅事。
身高唔夠1.7米嘅羅傑斯仲好得戚咁話，佢嘅身高完全無阻佢喺金融界嘅發展，亦都唔影響佢嘅女性緣。
其實羅傑斯後生嗰陣都同其他男仔一樣，非常在意自己嘅身高。佢話入伍當兵嘅時候，自己係全班最矮嗰個，排隊永遠都排第一，令佢都有啲自卑。
不過後來羅傑斯喺軍中表現優異，所以被安排企喺第一排，令佢開始明白，自己嘅身高同成就根本無關係！而羅傑斯依家嘅成就，亦印證咗佢當時嘅想法。
雖然羅傑斯生得唔算高大，不過情史都好豐富o架。絲絲就聽聞，羅傑斯曾經同一位比佢高10cm嘅女仔拍拖，不過佢一啲都唔覺得尷尬，仲成日叫女朋友唔使就佢，大可挺直腰骨做人。
絲絲認為，無論對住多變嘅市場抑或女性，羅傑斯都表現自信嘅一面，難怪可以吸引到咁多女性啦！