絲絲講場：吳宗權接班打理會德豐
會德豐（00020）尋日宣布「換班」，由明年一月一日開始，吳光正由主席退居董事，佢嘅「孻仔」吳宗權（洋名Douglas）就升做主席，係本港首個完成由第三代接班嘅知名家族。
船王包玉剛逝世後，女婿吳光正於八六年正式擔大旗，出任會德豐主席，Douglas接手後，就係第三代接班人。Douglas喺會德豐地產做咗八年之後，舊年年中「入局」，做咗一年董事，就升做主席，都算快手。
做過大行 文武兼備
佢入局嘅時候，市場已猜測係為接班鋪路。五個月前被問及接班問題，吳光正話交棒嘅工作愈快愈好。吳光正自明年一月一日起，將使用「高級董事」嘅職銜。
現年35歲嘅Douglas身形高大，成個運動健將咁款。其實佢真係文武雙全o架，不但曾經任職過投資大行瑞銀，負責過併購及資產管理嘅工作，亦對家族嘅地產業務瞭若指掌；而且更係運動健將，曾經贏過渣打馬拉松領袖盃冠軍，又參與「維港渡海泳」及「公益金會德豐百萬泳」等大型賽事，仲試過喺跑步時，勇救一位遇溺嘅婆婆添。
余絲韻