絲絲講場：CEO未坐暖 黑莓狂斬將

程守忠仲揚言，會繼續「調整高層管理團隊」，話唔定仲有高層會收到大信封。查實佢仲未「坐正」黑莓舵手，有分析形容，佢做嘅嘢根本唔似臨時行政總裁，直情係大刀闊斧改革；標誌住黑莓要變身做一間面向企業客戶嘅科企。

董事局瘦身剩七人

此外，財務總監Brian Bidulka都被撤換，由法規事務部主管James Yersh接任。Bidulka已經算「好彩」，可以特別顧問身份喺黑莓做到出年三月尾，即係今個財政年度結束為止，等交接工作得以順利完成。

至於○七年開始出任董事嘅Roger Martin亦將卸任，董事局人數包括程守宗在內，從此只剩番七個。值得留意嘅係，佢哋全部都係兩年前開始任命。

余絲韻