法德爾離開Apple之前，負責擔任iPod業務嘅高級副總裁，亦曾經同喬布斯接觸唔少。
雖然法德爾已經離開Apple幾年，不過佢仲好留意舊公司嘅發展，最近就喺一個研討會上公開解釋庫克嘅「繼位之謎」。
精於營運 十項全能
佢話雖然庫克冇任何產品設計相關嘅經驗，驟眼睇同Apple本身嘅業務冇咩關係；但相對地，庫克係一名精於營運企業嘅CEO，能夠用創新嘅方式重新思考公司內部嘅事情。
法德爾仲話，庫克無論喺營運、銷售，以致客戶服務等方面都有豐富經驗，對於Apple一家咁龐大嘅企業，如此全能嘅CEO可以話係不可或缺。