絲絲講場：有三千萬身家至算富裕？

絲絲覺得好奇怪，受訪嘅500名中產人士，又無講月入中位數幾多，咁點定義做中產呢？唔通真係要去聽音樂會、睇法國電影、飲吓咖啡就係中產？

中產要千一萬先夠退休

其實呢個調查都係想帶出港人嘅退休儲備唔夠，皆因有一半港人都幾擔心將來唔可以維持到舒適嘅退休生活。咁究竟要幾多退休儲備先夠？呢班「中產」就估計要1,100萬元，無聽錯，真係要成千萬先可以退休。

要達到呢個終極目標，近七成港人覺得投資喺退休儲蓄計劃係唔錯嘅退休儲蓄方法，投資房地產就梗係排第二啦，真係唔夠咯，咪靠仔女資助囉！

篤吓計數機，3,000萬夠買好多嘢，不過，要享受豐厚物質嘅樂趣，最緊要係身體健康，有錢都買唔到o架！唔係只係絲絲講o架，友邦保險區域首席執行官韋國敦話，估唔到好多香港人好重視健康！