漸有主見才變大膽
頒獎禮演講嘉賓之一的摩通董事總經理李晶就最為人熟悉，佢剛啱在「商界五十位最有影響力嘅女性」榜上有名，今年又升職做埋摩通亞太區副主席，繼續省靚女性華人嘅招牌。
不過唔講唔知，現時經常喺公眾場合演講兼發表中西經濟睇法嘅李晶，原來喺求學時間都好怕醜。佢話喺美國留學前在中國長大，自信心唔算高，可以話係一個幾怕醜嘅學生。但後來上堂時變得大膽，識得建立自己嘅看法就開始有驚喜。
好似當初讀哈佛時，李晶敢於選修英國文學專業，唔怕讀最難的學科，最終唔單止學有所成，仲連自信呢一科都功德圓滿。所以佢話，凡事最緊要係訂下目標，幾難都無有怕。